اسلام آباد۔ 19 دسمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ پاکستان، ترکی و ملائیشیا نا نیام اٹ میڈیا رابطہ غاتا مون آ دننگ کن اسیجائی ٹیلی ویژن اس جوڑ کننگک، میڈیا شریداری کن فوکل پرسنز جوڑ کننگانے، جوائنٹ میڈیا نیٹ ورک اس ٹہیفینہ، او آئی سی پلیٹ فارم نا رداٹ اسکالرآتا ہندن ءُ یونٹ اس ٹہیفنگے ہرا مذہبی ویل آتیٹی راہشون کننگ کے۔ یک شنبے نادے آ داڑے میڈیا تون گپ وتران کرسا بنجائی وزیر حوالکاری پارے کہ وزیراعظم نا او آئی سی دیوان نا وخت آ چندی مندوبین آتون اوڑدہی مس، اوغانستان نا حالیت بنداوی سرحال ئس، وزیراعظم رحمت للعالمین اتھارٹی نا ہم خاص ذکر ءِ کرے۔ اوپارے کہ پاکستان، ترکی و ملائیشیا نا نیام اٹ میڈیا رابطہ غاتا مون آ دننگ کن اسیجائی ٹیلی ویژن اس جوڑ کننگک، میڈیا شریداری کن فوکل پرسن جوڑ کننگانے، جوائنٹ میڈیا نیٹ ورک اس ٹہیفینہ۔ چوہدری فواد حسین پارے کہ پاکستان، ملائیشیا و ایلو ملک آتیٹی شدت پسندی نا باندات آتون مون تننگ نا گرج ءِ او آئی سی پلیٹ فارم نا رداٹ اسکالر آتا ہندن ءُ یونٹ اس ٹہیفنگک ہرا مذہبی ویل آتیٹی راہشونی کننگ کے۔ اوپارے کہ رحمت اللعالمین اتھارٹی نا کمک اٹ غٹ اسکالر آتے اسہ جاگہ غا یکجا کننگک۔ بنجائی وزیر حوالکاری پارے کہ او آئی سی نا رداٹ ہندن ءُ فورم اس جوڑ کننگ کن کوشست کننگ اُن ہرا مذہبی شرہ غاتیٹی بروک آ ویل آتے ایسر کننگ کے۔ اوپارے کہ رحمت اللعالمین اتھارتی نا دنگ ءِ ودفنگک، او آئی سی نا رداٹ ہندن ءُ یونٹ اس ٹہیفنگک۔
