اسلام آباد۔ 19 دسمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ اوغانستان اٹی حالیت آک پین خراب مسر تو بھاز بھلو انسانی المیہ اس ودی مننگ کیک، اوغانستان نا حالیت آتے بیرہ پاکستان آ اِلنگ مفک، دنیا نا اسہ زرگزران اس ہم داوڑنا بھاریم ءِ سگنگ کپک، نن خواپنہ کہ اوغانستان آن مخلوق ہمپے، اوغانستان نا ویل پاکستان، ایران ، ازبکستان و تاجکستان تون اوار دنیا کن مشکل حالیت ودی کننگ کیک۔ داہیت ءِ او یک شنبے نادے آ داڑے او آئی سی وزراء خارجہ کانفرنس نا وخت آ گپ وتران کرساپارے۔ بنجائی وزیر حوالکاری پارے کہ او آئی سی وزراء خارجہ کانفرنس اوغانستان نا بارواٹ اسہ بھلو کانفرنس اسے، اوغانستان اٹی حالیت آک خراب مننگ ءُ، زالبول و چناک بھاز زہمی ءُ، پاکستان مہالوآن اوغانستان ءِ 5 ارب روپئی نا امداد تسنے، اوغانستان نا حالیت آتے بیرہ پاکستان آ اِلنگ مفک، دنیا نا اسہ زرگزران اس ہم داوڑنا بھاریم ءِ سگنگ کپک۔ چوہدری فواد حسین پارے کہ امریکہ اوغانستان نا 9 ارب ڈالر منجمد کرینے، دازر ءِ پدی تننگپک تو دانا نتیجہ ٹی تنکی پین ودک، اوغانستان ءِ سیاسی وڑاٹ امنا کننگپک تو کم از کم تعلیم، جان جوڑی ، خور آ براہ راست خڑچ کننگے۔
