اسلام آباد۔ 19 دسمبر (اے پی پی) بنجائی دارالحکومت اٹی پارلیمنٹ ہاؤس اٹی او آئی سی نا وزرائے خارجہ نا 17 می اہم انگا بنائی دیوان نا بنایک شنبے نا سہب اتون پونے دہ بجہ غا تلاوت کلام پاک انا آیت آتیان مس۔ ہراٹی اللہ تعالیٰ پرمان کرینے کہ چوری تیا خڑچ کننگے و مشکل آتا گواچی نادار بندغ آتا کمک کن زکواۃ تننگے۔ درملکی مہمانک، مندوبین، بنجائی وزیر آک، پارلیمانی سیکرٹریک ، پارلیمنٹ نا باسک آک و میڈیا نا بننگ نا چرجوئی سہب انا 8 بجہ غا بناکرے۔ وزیرخارجہ شاہ محمود قریشی دیوان اٹی بشخ ہلنگ کن سہب انا پونے دہ بجہ غا قومی اسمبلی ہال آ سرمس و شرفمند، شرفمند آ مہمان و شریک مندوبین آتے بخیر کرے۔ او آئی سی نا سیکرٹری جنرل ، سعودی وزیرخارجہ و وزیراعظم عمران خان سہب انا یانزدہ ءُ نیم بجہ غان 11:35نا نیام اٹ سرمس۔ اسلامی کمکار تنظیم(او آئی سی) نا خصوصی دیوان وزیرخارجہ شاہ محمود قریشی 11 بجہ ءُ 45 منٹ آ بناکرے۔ وزیرخارجہ نا تقریر 1150 آ بناکرے و 12 بجہ ءُ چار منٹ آ چٹا ہراٹی اوغانستان اٹی ودوک آ انسانی تنکی ءِ تالان کننگا، و اوغانستان نا مخلوق نا کمک کن 6 ٹکی وڑوڈول نا سلاہ ءِ پیش کننگا۔ سعودی وزیرخارجہ شہزادہ فیصل بن فرحان السعود نا تقریر دے انا 12 بجہ ءُ پنچ منٹ آ بناکرے ہرا 12 بجہ ءُ 13 منٹ آ چٹا۔ او آئی سی نا سیکرٹری جنرل حسین برہم طحہٰ نا تران 12 بجہ ءُ 14 منٹ آ بناکرسا 12 بجہ ءُ 23 منٹ آ چٹا۔ ترکی نا وزیر خارجہ میولوت چاوش اوغلو نا او آئی سی دیوان آن تران 12 بجہ ءُ 23 منٹ آن 12 بجہ ءُ 28 منٹ اسکان برجاسلیس۔ اردن نا وزیرخارجہ ایمن صفادی نا تقریر ہفت منٹ آ تالان ئس اونا تقریر 12 بجہ ءُ 28 منٹ آن 12 بجہ ءُ 35 منٹ اسکان ئس۔ نائیجیریا نا وزیرخارجہ تقریر نا بناءِ 12 بجہ ءُ 36 منٹ آن کرے و 12 بجہ ءُ 42 منٹ آ چٹا۔ صدر اسلامی شونداری بینک ڈاکٹر محمد الجاسر نا تقریر 12 بجہ ءُ 43 منٹ آن 12 بجہ ءُ 15 منٹ اسکان برجاسلیس۔ اوغانستان نا پائیدار پوسکن جوڑ کننگ کن دمدستی و مریس مدتی گام گیج سلاہ کیک۔ زرگزرانی نظام اٹ اوار مننگ نا کمک اٹ کمیونٹیز خاص وڑاٹ ورنا و زالبول آتے زرگزرانی وڑاٹ واکدار کننگ ءِ۔ انڈر سیکرٹری جنرل انسانی امور (یواین او سی ایچ اے) مائیکل گریفتھ نا تقریر 12 بجہ ءُ 51 منٹ آ بناکرے ہرا 12 بجہ ءُ 58 منٹ آ چٹا۔ ہراٹی اوغانستان اٹی تعلیم، جان جوڑی و بینکنگ نا نظام نا بابت بنداوی ویل آتے تالان کرسا اوغانستان اٹی تنکی تون مون تننگ کن دمدستی گام گیج آتیا زور شاغا و باور کرفے کہ اقوام متحدہ اوغان الس تون یکجہتی ٹی سوگوی اتون سلوک ءِ۔
