اسلام آباد۔ 19 دسمبر (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان او آئی سی نا دیوان اٹی اوغانستان اٹی مون تروک انسانی المیہ نا ایسر کننگ کن دمدستی گام گیج آور کمک کن مچ آ دنیا نا چکار ءِ کرفینے۔ اسلامی کمکاری نا تنظیم او آئی سی نا وزرائے خارجہ کونسل نا 17 می اہم انگا دیوان آن وزیراعظم عمران خان نا اہم تران آ تینا ٹویٹ اٹی فرخ حبیب پارے کہ وزیراعظم عمران خان او آئی سی نا دیوان اٹی اوغانستان اٹی مون تروک انسانی المیہ نا ایسر کننگ کن دمدستی گام گیج و کمک کن مچ آ دنیا ءِ چکار کرفینے۔ اوپارے کہ وزیراعظم کشمیر نا ویل و فلسطین نا ویل اتون اوار اسلاموفوبیا غا مسلمان تا مقدمہ ءِ پبی وڑاٹ پیش کرے۔
