اسلام آباد۔18دسمبر (اے پی پی): ادرُکی حکومت ءَ وزیر ءِ درئی کار امیر خان متقی او آئی سی وزیر ءِ درئی کار کونسل ءِ 17 ھپدھمی لس دیوان ءَ بھر زوری ءِ واستہ شمبے ءِ روچ ءَ ادا پج ات، اسلام آباد انٹرنشینل ائیر پورٹ ءِ سر ءَ وزیر ءِ مملکت برائے پارلیمانی کار علی محمد خان ءَ ڈل ءِ ھمبراھی ءَ وش اتک کت۔ اے موہ ءِ سر ءَ میڈیا ءَ گوں تران کنان ءَ امیر خان متقی ءَ اوگانستان ءَ ایمنی ءُ دیمروئی ءِ واستہ پاکستان ءِ کمک آناں ساڑات ءُ گوشت کہ اے بے درور انت۔ آئی ءَ گوشت کہ آ پاکستان ھاسیں رنگ ءَ مزن وزیر عمران خان ءِ شگر ءُ منت وار انت آئی ءَ اوگانستان ءِ بنی آدمی ڈکالی ءِ گیواری ءِ پٹ ءُ لوٹ کنگ ءِ واستہ یک کانفرنس ءِ برجم کنگ ءِ پیسلہ کتگ۔ آئی ءَ گوشت کہ اوگانستان ءِ الس آنی گوما ھمگام ءَ اوشتاتگ ءُ آیوکیں باندات ءَ ھم اوش ایت۔ آئی ءَ امیت سہرا کت کہ اوگانستان ءِ اقتصادی جیڈھ آنی گیواری ءِ واستہ کانفرنس ءِ پازیٹیو آسر برآمد بنت۔
