اسلام آباد۔18دسمبر (اے پی پی):وزیر ءِ درئی کار مخدوم شاہ محمود قریشی ءَ گوشت کہ پاکستان انڈونیشیا ءِ گوما سٹریٹیجک شراکداری ءِ واھشت دار انت۔ اے گپ آئی ءَ او آئی سی وزیر ءِ درئی کار کونسل ءِ سل دیوان ءَ بھر زوری ءِ واستہ پاکستان ءِ تر ءُ تاب ءِ ساھت ءَ دو نیمگی، یکوئی ءُ دمگی یکوئی ءَ ھوار وت مہ وتی یکوئی کار آنی سر ءَ ھیال ریچی کنگ بوت۔ وزیر ءُ درئی کار ءَ گوشت کہ پاکستان ءُ انڈونیشیا ءِ نیام ءَ جھلانکیں براتی است انت۔ پاکستان انڈونیشیا ءِ گوما سٹریٹیجک شریکدساری ءِ واھشت ایگ انت۔ وزیر ءِ درئی کار ءَ زالبول آنی ھک آنی رکھینگ ءِ واستہ جوانیں گامگیج کنگ ءِ پد ءَ انڈونیشیا ءِ وزیر ءِ درئی کار ءَ را مبارک بات دات۔ پاکستان ءُ انڈونیشیا ءِ نیام ءَ السی تک ءَ رابطہ ءِ دیمروئی ءُ دوئیں ملک آنی نیام ءَ مزن تکی ڈل آنی روگ ءُ آیگ ءِ ضلورت ءِ سر ءَ زور پر دات۔
