شہباز شریف  ءَ بینک اکاونٹس  آنی وسیلگ ءَ  اربانی کلدار ءِ منی لانڈرنگ   کتگ، ایوک ءَ یک کیس ء ِ تہ ءَ 16 ارب کلدار دزئی گرگ بوتگ، وزیر ءِ  اھوالکاری ءُ شنگ کاری  فرخ حبیبت ءِ  کرسمس  مراگش ءَ  را گشتانک  

فیصل آباد۔18دسمبر  (اے پی پی):وزیر مملکت اھوالکاری  ءُ شنگ کاری فرخ حبیب ءَ گوشت کہ  شہباز شریف    ٹوھیں ٹوھیں  لانگ شوز ءُ سر  ءَ تُسکیں کُلاہ  ءِ  ایر کنان ءَ گوشگ ءَ  انت  کہ  آءی ءَ یک  کلدارے ءِ دُزئی  نہ کتگ بلے  آئی ءِ دروگیں  بینک اکاونٹس آنی وسیلگ ءَ اربانی کلدار ءِ منی لانڈرنگ  کتگ ءُ ایوک ءَ یک کیس ءِ  آءی ءَ 16 ارب کلدار ءِ دزئی  گرگ بوتگ۔ آئی  ءِ ھاندان ءَ ملکیتی رمضان شوگر ملز چنیوٹ ءِ چوکیدار، مالی ، چپراسی، سیکورٹی گاٹ    ءُ  ھمے رنگ ءَ  لس مزور  ءِ نام ءَ   ھمک ماہ پگار ءِ دھ پانزدھ ہزار ناں  بلکینگ ءَ  آوانی اکاونٹس آں چہ کروڑانی کلدار  کشتگ ءُ مان کتگ،  ادا شہباز شریف  زبرگ ءَ  انت کہ  آ  ساپ ءُ سلہ انت۔  آئی ءَ را وتی منی لانڈرنگ ءِ ھساب دیگ  لوٹ ایت چیا کہ راج  راستی ءَ را زانگ لوٹ ایت۔  آ شمبے  ءِ  بیگا ءَ دائود نگر وار  پورہ فیصل آباد ءَ  عیسائی برات آنی نیمگ ءَ کرسمس ءِ کیک ءَ را کپ کنگ ءِ مراگش ءَ گوں  گشتانک دیان ءَ کت اے ساھت ءَ  ممبر صوبائی اسمبلی چوہدری فواد لطیف نذر  ءُ عیسائی سروک ءُ مردم آنی مزنیں کساس ءِ ساڑی ات۔