زربارئی ایشیا ءَ برجائی ءِ واستہ کشمیر ءِ جیڈھ ءِ  ایمنی ءَ گوں گیواری المی انت، پاکستان دمگی ایمنی ءُ وشھالی ءِ واستہ توامیں  ھمساھگ آنی واستہ  جوانیں یکوئی ءِ واھشت دار ایت، آرمی چیف جنرل قمر جاوید باجوہ ءِ انڈونیشیا ءِ وزیر ءِ درئی کار ءَ گوں گند ءُ نند

راولپنڈی۔18دسمبر  (اے پی پی):چیف آف آرمی سٹاف جنرل قمر جاوید باجوہ  ءَ گوشت کہ  زربائی ایشیا ءَ برجائی ءِ واستہ کشمیر ءِ جیڈھ ءِ گیواری المی انت۔ پاکستان دمگی ایمنی ءُ وشھالی ءِ واستہ توامیں  ھمساھگ آنی واستہ جوانیں یکوئی  ءِ  واھشت  دار انت۔  شمبے ءِ روچ ءَ آئی ایس پی آر ءِ نیمگ ءَ جاڑیگیں جار ءِ رد ءَ  جنرل  قمر جاوید  باجوہ ءَ گوں انڈونیشیا ءِ وزیر ءِ درئی کار  ریتنو لسٹاری پریان ساری مرسودی ءَ گوں گند ءُ نند کت۔ گند ءُ نند ءِ ساھت ءَ وت مہ وتی یکوئی  کار، دیمپانی ءُ سیکورٹی کمک  ءِ تہءَ گیشی، دمگی سلامتی ، اوگانستان ءِ استیں جاور ھال ءُ بنی آدم دوستی ءِ گامگیج آنی  تہ ءَ کمک ءُ شریکداری ءِ بابت ءَ ھیال ریچی کنگ بوت۔ چیف آف آرمی سٹاف ءَ گوشت کہ پاکستان میاں اوستمانی ءُ دمگی کار  آنی تہ ءَ نڈونیشیا ءِ کرد آناں  شرپ ءِ نگاہ  ءَ چار ایت۔    انڈونیشیا ءَ گوں دو نیمگی یکوئی آناں گیش ودینگ ءِ واھشت ایگ انت۔  آئی  ءَ گوشت کہ بنی  آدم دوستی ءِ واستہ  ڈکالی ءِ  گر  ءُ دار  کنگ  المی انت۔