اسلام آباد۔18دسمبر (اے پی پی):وزیر ءِ درئی کار مخدو شاہ محمود قریشی ءَ گوشت کہ پاکستان میاں اوستمانی برات آنی دلگوش ءَ را اوگانستان ءِ نیمگ ءَ کنگ ءِ واستہ یک شل ءَ کوشست کنگ ءَ انت ءُ اوگانستان ءِ نزیکیں ھمساگیں ملک ءِ بستار ءَ ، اوگان برات آنی بنی آدم دوستی ءِ رد ءَ کمک ءِ واستہ کوشست آناں کارمرز کنگ ءَ انت۔ آئی ءَ اے گپ شمبے ءِ روچ ءَ ادا وزارت ءِ درئی کار ءَ اوگانستان ءِ ادارُکی وزیر ءِ درئی کار مایر خان متقی ءَ گون گند ءُ نند ءِ ساھت ءَ کت۔ آئی ءَ او آئی سی وزیر ءِ درئی کار کونسل ءِ لس دیوان ءِ بست ءُ بند کنگ ھمے کوشست آنی یک کڈئی ات۔ ما اے دیوان ءِ وسیگل ءَ میاں اوستمانی برات آناں یک کلوہ ءِ دیگ ءَ آں کہ گوستگیں ردئی آں چہ سبک سکھگ بہ بیت ، اوگانستان ءَ ایمنی ءُ برجائی ءِ واستہ دیم ءَ بہ جنز انت۔ وزیر ءِ درئی کار ءَ گوشت کہ اوگانستان ءَ یک مشتیں حکومت، بنیاتی ھک ھاسیں رنگ ءَ زالبول آنی ھک آنی رکھینگ حکومت ءِ سیت ءِ واستہ انت۔ آئی ءَ گوشت کہ آ ئی ءَ وتی کابل ءِ تر ءُ تاب ءِ ساھت ءَ ، پاکستانی ءِ نیمگ ءَ 5 ارب کلدار ءِ کمک ءِ جار جتگ۔
