اسلام آباد۔18دسمبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ دگنیا ءَ زوتی ءَ گوں دلگوش نہ دات گڈا اوگانستان ءَ بنی آدمی ڈکال ءِ ودی بوت کنت، اوگانستان ءَ بندیں بینکنگ سسٹم زوت برجا کنگ ءِ ضلورت انت۔ او آئی سی وزیر ءِ درئی کار کونسل ءِ لس دیوان ءِ ھوالگ ءَ شمبے ءِ روچ ءَ یک بیانے ءِ تہ ءَ وزیر ءِ درئی کار ءَ گوشت کہ اوگانستان نازرکیں جاور ھال آں گوں دُچار انت، او آئی سی وزیر ءِ درئی کار کانفرنس بے کساس ارزشت دار ایت۔ دگنیا ءَ زوت دلگوش نہ کت گڈا اوگان ءَ بنی آدمی ڈکال ءِ ودی بوت کنت۔ آئی ءَ گوشت کہ کانفرنس دگنیا ءِ دلگوش ءَ را اے نیمگ ءَ کنگ ءِ واستہ باز ارزشت دار ایت۔ آئی ءَ گوشت کہ بینکنگ سسٹم برجا نہ بوت گڈا سرجمیں دگنیا ءَ اوگانی زر چتور روان دات کناں، اوگان ادارُکی حکومت ءِ کرا پگار دیگ ءِ واستہ زرنیست۔ اوگانستان ءِ واستہ آسراتی ءُ مڈی آناں بند ءُ چپ ءُ چاگرد کنگ بوتگ۔
