اسلام آباد۔18دسمبر (اے پی پی): مزن وزیر عمران خان ءَ زر ءَ آدیم نندوکیں پاکستانی آناں ملک ءِ گران بھائیں مڈی نامینان ءَ آوانی واستہ گیشاں چہ گیش آسراتی پیداک کنگ ءِ پنت ءُ شون کت۔ اے پنت ءُ شون آئی ءَ مشیر زر ءَ آدیم نندوکیں پاکستانی آنی کار ایوب آفریدی ءَ گوں گند ءُ نند ءَ کت۔ شمبے ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ زر ءَ آدیم پاکستانی آنی واستہ حکومت ءِ ووٹ دیگ ءِ ھک ءِ دیگ ءِ گامگیج ءُ نادرا ءِ وسیلگ ءَ پاور آف اٹارنی ءِ آن لائن نظام ءِ سیت ءُ شاھیگانی ءِ واستہ ھیال ریچی کنگ بوت۔ ایشی ءَ ابید مزن وزیر ءَ را روشن ڈیجیٹل اکائونٹ ءُ حکومت ءِ کاروبار دوست پالیشی ءِ بدولت ءَ زر ءَ آدیم پاکستانی آنی سرمایہ کار آنی واستہ ملک ءَ سرمایہ کاری ءِ پراھ ءُ شاھیگانیں موہ آنی بابت ءَ بریفنگ دیگ بوت۔ مزن وزیر زر ءَ آدیم نندوکیں پاکستانی آناں ملک ءِ گران بھائیں مڈی نامینان ءَ ایشانی واستہ آسراتی پجاری کنگ ءِ پنت ءُ شون کت۔
