اسلام آباد۔ 17 دسمبر (اے پی پی) وزیرخارجہ مخدوم شاہ محمود قریشی جمعہ نادے آ اسلام آباد ایئرپورٹ نا دورہ ءِ کرے۔ وزیرخارجہ ایئرپورٹ آ او آئی سی وزرائے خارجہ کونسل نا بھلا دیوان اٹی بشخ ہلنگ کن بروک آ شرفمند آ مہمان و ڈل آتے تروک آ آسراتی تا جاچ ءِ ہلک۔ سفیر آفتاب کھوکھر وزیرخارجہ ءِ بالی پٹ آ او آئی سی وزرائے خارجہ دیوان اٹ بشخ ہلنگ کن بروک آ مہمان تا آسراتی کن کروک آ بست وبند آتا بابت سرجم حوال تس۔ وزیرخارجہ اسٹیٹ لاؤنج و مہمان تا بننگ نا کاؤنٹر ءِ ہرا و او آئی سی وزرائے خارجہ کونسل نا دیوان اٹی بشخ ہلنگ کن بروک آ شرفمند آ مہمان تیکن کروک آ گام گیج آتا ستاءِ کرے۔ وزارت خارجہ، سول ایوی ایشن و ایئرپورٹ نا سینئر کمامدارآک ہم داوخت آ ساڑی ئسر۔
