اسلام آباد۔17دسمبر (اے پی پی): وزیر ءِ درئی کار شاہ محمود قریشی ءَ گوشت کہ او آئی سی مسلم دگنیا ءَ را استیں جتا جتائیں جیڈھ ءُ جنجال ھاسیں رنگ ءَ اسلامو فوبیا، ایمنی ءُ سلامتی ءُ کشاں چیل ءِ گیواری ءِ رد ءَ جوانیں ڈل ءِ رنگ ءَ وتی وتی کرد ءَ پیلو بکنت، اوگانستان ءَ معاشی تباہی ءِ آسر ھمساھگیں ملک، پڑ ءُ ایندگر دگنیا ءِ سر ءَ رند پد بنت ، میاں اوستمانی برات، مقبوضہ جموں کشمیر ءَ بنی آدمی ھک آنی لگت مالی ءِ گوما دست مانجنیں مردم آنی ھلاپ ءَ گوامگیج چست بکن انت۔ اے گپ آئی ءَ سیکرٹری جنرل او آئی سی حسین ابراہیم طہٰ ءَ را گوشت انت آئی ءَ ڈل ءِ ھمبراھی ءَ وزارت ءِ درئی کار ءَ گند ءُ نند کت۔ترجمان درئی کارانی کارگسءِ رد ءَ وزیر ءِ درئی کار ءَ سیکرٹری جنرل او آئی سی ءِ سیٹ ءِ سر ءَ نندگ ءِ پد ءَ حسین ابراہیم طہٰ ءَ را مبارک بات دات ءُ گوشت کہ مارا امیت انت کہ او آئی سی شمے سروکی ءَ میاں اوستمانی تک ءَ گیش برجا بیت۔
