اسلام آباد۔16دسمبر (اے پی پی):اسلامی گل (او آئی سی) ءِ سیکرٹری جنرل حسین برہیم طہٰ او آئی سی ءِ وزیر ءِ درئی کار کونسل ءِ 17 ھپدھمی لس دیوان ءَ بھر زوری ءِ واستہ اسلام آباد ءَ پج ات۔ ایش ادا 19 دسمبر 2021 ءَ برجم بوھگ ءَ انت ایشی ءِ مول ءُ مراد اوگانستان ءِ جاور ھال آنی سر ءَ ھیال ریچی کنگ بوت کنت۔ پنچ شمبے ءِ روچ ءَ سیکرٹری جنرل ءِ بنجاھی دارالحکومت آمد ءِ دپ ءَ آئی ءِ ریڈ کارپٹ وش اتک کنگ بوت وھدیکہ وزیر ءِ مملکت برائے اھوالکاری ءُ شنگ کاری فرخ حبیب ءَ آئی ءَ را ءُ ڈل ءَ را وش اتک کت۔ دارالحکومت پجگ ءَ چہ پد میڈیا ءَ گوں تران کنان ءَ سیکرٹری جنرل حسین برہیم طہٰ ءَ او آئی سی ءِ وزیر ءِ درئی کار کونسل ءِ 17 لس دیوان ءَ را توامیں مسلم ملک آنی وساتہ یک ارزشتی ایں فورم ءِ نامینت ایشی ءِ تہ ءَ بنی آدمی ڈکال انت الس آنی کمک ءِ واستہ سلاھ ءُ مشورہ ءُ کمک ءِ پجاری ءِ کار رپک پٹ ءُ پول کنگ بیت۔
