اسلام آباد۔17دسمبر (اے پی پی):اسلامی دیمروئی بینک ءِ صدر محمد سلیمان الجیسر اسلامی کمکی گل (او آئی سی ) ءِ وزیر ءِ درئی کار کونسل ءِ 17 ھپدھمی دیوان ءَ بھر زوری ءِ واستہ اسلام آباد ءَ پج ات، اے کانفرنس یک شمبے ءَ بنجاھی دارالحکومت اسلام آباد ءَ بیت۔ آدینگ ءِ روچ ءَ ادا سر بوھگ ءِ پد ءَ وزارت ءِ درئی کار ءِ مزن تکی کارندہ آں مہمان آناں وش اتک کت۔ اے موہ ءِ سر ءَ “اے پی پی” ءَ گوں تران کنان ءَ آئی ءَ گوشت کہ او آئی سی ءِ دیوان اوگانستان ءِ واستہ سک باز ارزشتی انت ادا مردم امریکی فوج ءِ در کپگ ءَ چہ پد بے ایمنی، شد لاپی ءُ وردن ءُ وراک ءِ ڈکالی ءِ آماچ انت۔ آئی ءَ گوشت کہ توامیں مسلمان یکیں پلیٹ فارم ءِ سر ءَ جم بوھگ دراج بریں جنگ ءِ آماچیں ملک ءِ جیڈھ آنی گیواری ءِ واستہ سک باز المی انت۔ آئی ءَ گوشت کہ ما را درستاناں اے دیوان ءَ اوگان الس ءِ کمک ءِ واستہ یکجائی ءَ کار کنگ لوٹ ایت۔ اسلامی دیمروئی بینک ءِ در ءَ گوشت کہ پاکستان یک ارزشتی ایں ملک ات ءُ اسلامی دیمروئی بینک ءِ سک باز ارزشتی ایں باسک آنی تہ ءَ یک ات۔
