اسلام آباد۔17دسمبر (اے پی پی):اسلامی کمکی گل ءِ وزیر درئی کار ءِ کونسل ءِ 17 ھپدھمی لس دیوان (باندات) یک شمبے ءِ روچ ءَ اسلام آباد ءَ برجم بوھگ ءَ انت۔ سعودی عرب ءَ بطور چیئرمین اوگانستان ءِ ھوالگ ءَ لس دیوان ءِ شور ءُ مشور کتگ بوتگ وھدیکہ پاکستان ءَ ایشرا وش اتک کتگ ءُ سیشن ءِ میزبانی ءِ بابت ءَ پیشوکی گوشتگ۔ ترجمان درئی کارانی کارگس ءِ رد ءَ او آئی سی ءِ باسک ءُ گشتانکاریں ملک آنی وزیر ءِ درئی کار ءَ ابید، شریکیں مردم آناں یونائیٹڈ نشن، میاں اوستمانی مالیاتی ادارگ ءُ امریکہ ، برطانیہ ، فرانس ، چین ، روس جرمنی، اٹلی، جاپان ءُ یورپی یونین ءِ نماھندگ ھم ھوار اتنت۔ اوگان ادارُکی حکومت ھم دیوان ءِ نماھندگی ءَ کنت۔ اے دیوان اوگانستان ءِ ھراب بوھویں جاور آنی آنی رد ءَ گوانک جنگ بوتگ۔ اوگان الس آنی گوما یکوئی ءِ درشان ءَ ابید، وزیر ءِ درئی کار کونسل ءَ گوں امیت انت کہ آ اوگانستان ءِ ھراب بوھیں جاور ھال، ھاسیں رنگ ءَ وردن ءُ وراک ءِ ڈکالی ءِ بابت ءَ گر ءُ دار کنت، مردم آنی لڈ ءُ بار کنگ ءُ معاشی ڈکالی ءَ را گر ءُ دار کنگ ءِ ھوالگ ءَ گامگیج چست کنت۔ ترجمان ءَ دل یکیمی دات کہ پاکستان اے گپ ءِ سر ءَ دل یکیمی دار ایت کہ اوگانستان ءِ گوما میاں اوستمانی برات آنی گوما یک شل رابطہ المی انت۔ دیوان ءَ اوگان الس آنی ضلورت آناں پیلو کنگ ءَ کمک ءِ واستہ مھکمیں گامگیج آنی سر ءَ چار ءُ بچار کنگءِ موہ پجاری کنت۔
