اسلام آباد۔17دسمبر (اے پی پی): مزن وزیر عمران خان ءَ ریگولیٹری اتھارٹی آنی جوانیں کرد ءِ پنت ءُ شون کت کہ مافیاز آنی وت مہ وت ٹھگ ءَ شر بچار ات، وتی سیادی داروکیں شوبگ آنی ازمت ءُ کد ءُ بالاد ءَ را گہتر جوڑ بکن ات۔ آدینگ ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد مزن وزیر عمران خان ءَ ریگولیٹری اتھارٹی آنی سروک آں دیوان ءِ سروکی کت۔ اے موہ ءِ سر ءَ مزن وزیر ءَ گوشت کہ الس ءِ ھک آنی رکھینگ ءِ واستہ ریگولیٹرز ءِ کلیتی کرد ات۔ ریگولیٹرز جوانیں مانیٹرنگ ، کانودی ءُ ریگولیٹری ضلورت آنی رد ءَ السی سیت آنی رکھینگ ءَ را دل یکیمی جوڑ بکن انت۔ مزن وزیر ءَ مافیاز ءِ وت مہ وت ٹھگ ءَ چارگ ءِ واستہ ریگورلیٹری اتھارٹی آنی جوانیں کرد ءِ ضلورت ءِ سر ءَ زور پر دات۔ آئی ءَ توامیں ریگولیٹرز آناں پنت ءُ شون کت کہ آ وتی استیں شوبگ آنی تہ ءَ ساپ ءُ سلہ ئی ءُ جوانیں ازمت آناں دل یکیمی جوڑ بکن انت۔ ریگولیٹری اتھارٹی آنی سروک آں مزن وزیر ءَ را دل یکیمی دات کہ آ وتی سیادی داروکیں اتھارٹی آنی کار رپک ءِ تہ ءَ گیشی کناں تانکہ شہری مردم آناں گہتر ازمت آنی پجاری دل یکیمی جوڑ کنگ بہ بیت۔
