اسلام آباد۔17دسمبر (اے پی پی): وزیر ءِ درئی کار شاہ محمود قریشی ءَ گوشت کہ اوگانستان ءِ زوتاں چہ زوت کمک کنگ نہ بوت گڈا بنی آدمی ڈکال گیش ود ات کنت، معاشی تباہی ءِ رند پد ھمساگیں ملک آنی سر ءَ کپ انت، بیست سالی دراج بُریں جنگ ءَ ھم اوگان جیڈھ ءِ گیواری کت نہ کنت، اوگانستان ءَ ایمنی پاکستان، پڑ ءُ سرجمیں دگنیا ءِ سیت ءِ واستہ انت۔ اسلامی کمکی گل، او آئی سی کانفرنس ءِ مول ءُ مراد اوگانستان ءَ مھکمیں ایمنی ءُ دیمروئی ءِ واستہ کشک ءَ را ساپ کنگ انت۔
اے ھیالانی درشانی آئی ءَ آدینگ ءِ روچ ءَ وزارت ءِ درئی کار ءَ او آئی سی وزیر ءِ درئی کار کونسل ءِ لس دیوان ءَ مول ءُ مراد ءِ ھوالگ ءَ ، ھندی ءُ میاں اوستمانی میڈیا نماھندگ آناں بریفنگ دیان ءَ کت۔ وزیر ءِ درئدی کار ءَ گوشت کہ اوگانستان اے وھد ءَ ھرابیں معاشی ءُ بنی آدمی ڈکالی ءِ گوما دیم پہ دیمی انت۔ شاہ محمود قریشی ءَ اوگان جاور ھال آنی ھوالگ ءَ گوشت کہ پاکستان ءَ را اوگانستان ءِ نزیکیں ھمساھگ بوھگ ءِ رد ءَ اے جاور ھال آنی سر ءَ نہ وشی انت۔ ما وتی اقتصادی اول سرئی کار آنی سر ءَ دلگوشی انت۔ پدا ھم اقتصادی اول سرئی کار آناں پکو ءُ سرجم کنگ ءِ واستہ ایمنیں اوگانستان مئے سیت ءَ انت۔ آئی ءَ گوشت کہ اوگانستان 38 ملین آباتی والا ایں ملک ات۔ شاہ محمود قریشی ءَ گوشت کہ اوگانستان ءِ زوتاں چہ زوت کمک کنگ نہ بوت گڈا بنی آدمی ڈکالی گیش بوت کنت۔ اوگانستان ءِ جاور ھال آنی بابت ءَ یورپی ملک شر سرپد انت، اوگانستا ءَ ایمنی پڑ ءُ دگنیا ءِ سیت ءَ انت۔ کسانوکیں ردئی سرجمیں پڑ ءَ را آماچ کت کنت۔ پاکستان ، اوگانستان ءِ ھوالگ ءَ ھرچی کرد پیلو کت کنت کنگ ءَ انت۔ شاہ محمود قریشی ءَ گوشت کہ اوگانستان ، او آئی سی ءِ بنیاتی ممبر انت، آئی ءَ را ایوک ءَ یل کت نہ کناں، پاکستان اوگانستان ءِ بنی آدم دوستی ءِ بنیات ءَ کمک ءَ کنگ ءَ انت۔
