اسلام آباد۔17دسمبر (اے پی پی): مزن وزیر عمران خان ءَ گوشت کہ حکومت ملکی تاریخ ءَ اولی رند ءَ گریبی ءِ ھلاسی ءُ چاگردی رکھینگ ءِ پروگرام ءِ زرتگ آورتگ ات، نوکیں پاکستان جان سلامتی کارڈ دگنیا ءِ یک جتائیں ہیلتھ انشورنس پروگرام ات ایشی ءِ سرجمیں دگنیا ءَ درور نہ رس ایت، السی گہبود ءِ منصوبگ ءَ ر ا ترجی داتگیں بنیات ءَ سرجم کنگ حکومت ءِ اولی ترجی انت۔ آدینگ ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءِ سروکی ءَ پنجاپ ءَ جاڑیگیں السی گہبود، چاگردی رکھینگ ءُ گریبی ءِ ھلاسی ءُ بنیاتی جان سلامتی منصوبگ آنی سر ءَ چار ءُ تپاسی دیوان ءِ بوت۔ دیوان ءَ را ہیلتھ کاٹ ءُ احساس راشن پجاری پروگرام ءَ بریفنگ ءَ گوشگ بوت نہ آیوکیں سال جنوری ءَ چہ مارچ ءَ تاں پنجاپ ءِ توامیں گس آناں 10 لکھ کلدار ءَ تاں مپت ءَ علاج ءِ آسراتی پجاری کنگ بیت۔ ایشی ءَ چہ ابید دیوان ءَ را احساس راشن پروگرام ءِ چیر دستی ءَ کم آمدن والائیں ھاندان ءَ را پجاری کتگیں سبسڈی آنی سر ءَ دیمروئی ءُ گریبی ءِ استیں پازیٹو آسر آنی بابت ءَ سرپد کنگ بوت۔ مزن وزیر ءَ منصوبگ آنی سر ءَ دل یکیمی ءِ درشان کنان ءَ السی گہبودی منصوبگ آناں وھد ءُ پاس آنی تہ ءَ سرجم کنگ ءِ پنت ءُ شون جاڑی کت۔ دیوان ءَ بنجاھی وزیر شاہ محمو د قریشی ، فواد چوہدری، شفقت محمود، حماد اظہر، مخدوم خسرو بختیار، سینیٹر سیف اللہ نیازی، باسک راجی اسمبلی عامر محمود کیانی، سر وزیر پنجاپ سردار عثمان بزدار ءُ صوبائی وزیر جان سلامتی ڈاکٹر یاسمین راشد ءَ بھر زوری کت۔
