راولپنڈی۔ 17 دسمبر (اے پی پی) چیف آف آرمی اسٹاف جنرل قمر جاوید باجوہ تون پاکستان اٹی جمہوریہ چیک انا سفیر ٹومس سمیٹا نکاجمعہ نادے آ داڑے جی ایچ کیو ٹی اوڑدہی کرے۔ اوڑدہی ٹی تین پہ تینی است خواہی نا امور، علاقائی سلامتی، اوغانستان نا ساڑی حالیت و اوغان تے انسانی امداد سرکننگ کن کمکاری نا گام گیج آتیا گپ وتران کننگا۔ پاک فوج انا شعبہ تعلقات عامہ (آئی ایس پی آر) نا رداٹ داوخت آ آرمی چیف پارے کہ پاکستان یورپی یونین نا ملک آتون تینا تعلقداری تے قدر انا نظر اٹ ہرک و نن اسیجائی فائدہ غاتا بنداو آ تین پہ تینی فائدہ مند کثیر الجہتی تعلقداری تے ودفنگ کن پراومیت اُن۔ جمہوریہ چیک انا سفیر اوغان حالیت آتیٹی پاکستان نا کڑد و علاقائی سوگوی کن کوشست آتا ستاءِ کرے و پاکستان تون ہرکہول آ سفارتی کمکاری ٹی پین گچینی کن تینا کڑد ءِ ادا کننگ نا عزم ظاہر کرے۔

متعلقہ مضامینمصنف کی طرف سے مزید