پاکستان اٹی او آئی سی نا بھلا دیوان مننگ ستاکڑزک و پاکستان نا سرسہب خارجہ پالیسی نا درور ءِ، فرخ حبیب

اسلام آباد۔ 17 دسمبر (اے پی پی) وزیر مملکت حوالکاری و شینکاری فرخ حبیب پارینے کہ پاکستان اٹ اسلامی کمکار تنظیم ، او آئی سی نا بھلا دیوان نا مننگ ستاکڑزک، دا پاکستان نا سرسہب خارجہ پالیسی نا درور ءِ، نرینہ غاتا وونٹ آتون اوار اوار ن لیگ اوفتا پن آ جعلی اکاؤنٹ ہم جوڑ کیک۔ جمعہ نادے آ میڈیا تون گپ وتران کرسا وزیر مملکت حوالکاری و شینکاری پارے کہ داپاکستان کن گمرنا ہیت اسے کہ ننا ملک او آئی سی نا بھلا دیوان نا میزبان ءِ۔ اوپارے کہ دا بھلا دیوان اوغانستان اٹی ودی مروک انسانی المیہ نا ایسر اٹ اہم ءُ کڑد اس ادا کیک۔ فرخ حبیب پارے کہ او آئی سی نا بھلادیوان نا مثبت بھرم مون آ بریک، پاکستان اٹ 40 سال آن پد او آئی سی نا بھلا دیوان مننگ والا ءِ۔ وزیر مملکت پارے کہ او آئی سی دیوان نا پاکستان اٹی مننگ ننا اہمیت ءِ تالان کیک، دیوان اٹی مچ آ دنیا نا چکار ءِ اوغانستان آ کرفنگ نا کوشست کننگک۔ داوخت آ بنجائی وزیر حوالکاری و شینکاری چوہدری فواد حسین ، وزیر داخلہ شیخ رشید احمد، وزیراعظم نا خصوصی کمکار سیاسی ابلاغ ڈاکٹر شہباز گل ئسک ہم ساڑی ئسر۔