کوئٹہ۔ 17 دسمبر (اے پی پی) زیارت کراس کسٹم چیک پوسٹ بھلو کارروائی اسے ٹی 2 کروڑ 40 لکھ روپئی آن زیات درملکی گڑادوئی کرے۔ ترجمان کسٹمز پارے کہ کولاآن لوڈ دہ ویلر ٹرک انا آڑاٹ گڑاتے پنجاب اسمگل کننگاکہ اودیم حوال ملنگ آ کارروائی کریر ہراٹی دس ویلر آن چھالیہ، سگریٹ، نان کسٹم پیڈ پچ، صابون و کنفیکشنری نا گڑاتے دوئی کننگا۔ ترجمان کسٹم نا رداٹ بھاز سخت یخ اٹ ہراڑے نقطہ انجماد منفی دہ آن ہم تمے ہموڑے کسٹمز کمامدار آک ثابت گامی اٹ تینا ڈیوٹی ءِ سرترسا درملکی گڑاتے کوزہ ٹی ہلنگ ءُ۔ تدوک آ دے تیٹی ہم زیارت کراس چیک پوسٹ چندی سرسہب کارروائی کرے ہرافتے ٹی 10 کروڑ آن زیات نا گڑاہم دوئی کننگانے۔ چیف کلکٹر بلوچستان محمد صادق، کلیکٹر پریوینٹوڈداکٹر فرید سالارزئی، ایڈیشنل کلیکٹر معین افضل، و ڈپٹی کلیکٹر زوہیب سنڈیلہ ئسک سپرنٹنڈنٹ سلیم آغا انچارج چیک پوسٹ احمد نواززہری و ٹیم انا سرسہب کارروائی تا ستاءِ کرینو۔
