او آئی سی  وزیر ءِ  درئی کار  کونسل دیوان ءِ سئے سیشن بنت، سیکرٹری جنرل او آئی  سی  ءِ ھوار مہمان آنی ڈل (باندات) پاکستان  ءَ آیگ ءَ بندات کناں، شاہ محمود قریشی  

اسلام آباد۔16دسمبر (اے پی پی): وزیر ءِ درئی کار شاہ محمود قریشی ءَ گوشت کہ 19 دسمبر  ءَ او آئی سی وزیر ءِ درئی کار کونسل دیوان ء، سئے سیشن بنت، سیکرٹری جنرل او آئی  سی  ءَ ھوار مہمان ڈل  باندات ءَ چہ پاکستان ءَ آیگ ءَ بندات کناں،  بنداتی ءُ گڈی سیشن اوپن وھدیکہ ورکنگ سیشن آن کیمرہ بنت، دیوان ءَ ما اوگاں ڈل آناں ھم دلگوش کناں، روس ءُ امریکہ ءَ ھم وتی  نماھندگ آناں روان دیگ ءِ  دل یکیمی  ءِ درشان کتگ۔

وزیر ءِ درئی کار شاہ محمود قریشی  پنچ شمبے ءِ روچ ءَ وزارت ءِ درئی کار ءَ ٹی وی اینکرز ءُ نیوز ایڈیٹرز آناں اوگانستان ءِ جاورھال ءُ او آئی  سی وزیر ءِ درئی کار کونسل ءِ لس دیوان ءِ ھوالگ ءَ سرجمیں بریفنگ دیگ ءَ ات۔ بنجاھی وزیر برائے اھوالکاری ءُ  شنگ کاری فود حسین  چوہدری ءُ وزیر ءِ مملکت برائے  اھوالکاری فرخ حبیب ءَ دیوان ءَ ھاسیں  رنگ ءَ بھر زوری کت۔ 

 وزیر ءِ درئی  کار ءَ گوشت کہ پاکستان ءَ یک دراج بُریں  وھد ءُ پاسے ءَ پد 19 دسمبر ءَ او آئی سی وزیر ءِ درئی کار کونسل ءِ لس دیوان  بوھگی انت،  15 اگست ءَ چہ پد اوگانستان ءَ ھمے تبدیلی سہرا بوھگ ءَ انت ءُ  ایشی ءَ چہ اے  تبدیلی ءِ ھوالگءَ بازیں  بیم  سہرا بوتگ۔   آئی ءَ گوشت کہ مئے ھمساگ ءَ اے موہ ءِ سر ءَ  سیت چست کنگ ءِ واستہ "سینکشن پاکستان” ءِ میڈیا گامگیج چلائینت۔ اللہ  پاک  کرم ءَ  چہ دروگ سہرا  بوتگ ءُ مئے میڈیا ءَ اے دروگ ءَ را سہرا کنگ ءِ پد ءَ جوانیں کرد ءِ   پیلو کتگ۔ اے وھد ءَ اوگانستان ءَ معاشی ڈکال  ءِ بیم  گیش بوھان انت۔  

شاہ محمود قریشی ءَ گوشت کہ اوگانستان ءِ معاشی ءُ بنی آدمی ڈلا ءِ سبب ءَ مہاجرین  آنی گیش بوھگ ءِ  ترس ودی بوھگ ءَ انت، پاکستان ءَ 15 اگست ءَ چہ پد اوگانستان ءِ نزیکیں  ھمساھگیں ملک آں گوں رابطہ ءُ  شور ءُ مشور کنگ ءِ  پیسلہ کتگ۔ ما یکجائی  گامگیج  ءِ واستہ اوگانستا ءِ شش نزیکیں ملک آنی فورم  جوڑ کتگ۔ اے فورم ءِ اولی  ورچول دیوان  پاکستان  وھدیکہ دومی تہران ءَ بیت وھدیکہ سیمی بیجنگ  امیت انت۔