اسلام آباد۔ 16 دسمبر (اے پی پی) وزیرداخلہ شیخ رشید احمد پارینے کہ سانحہ آرمی پبلک اسکول و دے ٹکی پاکستان ننا تاریخ نا اِرا ناقابل فراموش واقعہ غاک ءُ، دا واقعہ غاک پاکستانی قوم ءِ ملک دشمن تتون مقابلہ کننگ نا اسہ پوسکن ءُ جوزہ اس تسر۔ سانحہ آرمی پبلک اسکول پشاور نا برسی آ وزیرداخلہ تینا کلہو اٹی پارے کہ سانحہ آرمی پبلک اسکول و دے ٹکی پاکستان ننا تاریخ نا اِرا ناقابل فراموش واقعہ ءُ۔ داواقعہ غاتا شہید آک پاکستانی قوم ءِ ملک دشمن تتون مقابلہ کننگ نا اسہ پوسکن ءُ جوزہ اس تسر۔ اوپارے کہ اینو نادے مچ آ قوم تینا ہمو شہید آتے خراج عقیدت و سلام پیش کیک۔ حکومت نیشنل ایکشن پلان آ سنجیدگی اٹ عملدرآمد کننگ ءِ تانکہ داوڑنا سانحہ دُوارہ مننگ کپ۔ بنجائی وزیر پارے کہ پاکستان نا برخلاف ناپاک مسخت تخوک آ زموار آتون سختی اٹ مون ایتنہ۔
