وزیراعظم نا نمائندہ خصوصی بین المذاہب ہم آہنگی و دے ٹک نیامی امور حافظ محمد طاہر محمود اشرفی نا پریس کانفرنس

اسلام آباد۔ 16 دسمبر (اے پی پی) وزیراعظم نا نمائندہ خصوصی بین المذاہب ہم آہنگی و دے ٹک نیامی امور و پاکستان علماء کونسل نا چیئرمین حافظ محمد طاہر محمود اشرفی پارینے کہ اینو نادے قوم ءِ یکجا مرسا مون آ ہِننگ نا ءِ۔ ساڑی حکومت نا دور اٹی اقلیت آتے حق ملانے، ہندن قوم سانحہ اے پی ایس آ یکجا مسوسس ہنداوڑ سیالکوٹ واقعہ غا قومی سیوت نا درشانی  کننگا۔ پنچ شنبے نادے آ مسیحی مذہبی راہشون تتون اوار پریس کانفرنس کرسا حافظ محمد محمود طاہر اشرفی پارے کہ آئین پاکستان نا رداٹ زند تیرکروک آتے ہچ ءُ فریشانی اس اف، اینو نادے قوم ءِ یکجا مرسا مون آ ہِننگ نا دے ءِ۔ اوپارے کہ ساڑی حکومت نا دور اٹی اقلیت آتے حق ملانے، سیالکوٹ اٹی اسہ چرچ اسے ٹی بین المذاہب ہم آہنگی دود اس اڈتننگ انگ ءِ اوٹی بشخ ہلیوہ۔ اوپارے کہ قومی ویل و دہشت گردی نا ایسر قومی ایکشن پلان اٹی ءِ، نیشنل ایکشن پلان آ نظرثانی مننگ ءِ ، تدوک آدور حکومت اٹ نیشنل ایکشن پلان بیرہ مسیت آتا اسپیکر آتے شیف دڑفنگ اسکان ئس، وزیراعظم عمران خان دا بابت اسہ میٹنگ اس کرینے۔ حافظ طاہر محمود اشرفی پارے کہ اینو نادے اے پی ایس نا سانحہ مسوسس، نن دا عزم اتون بناءِ کننگ اُن کہ پاکستان غٹ انا ءِ، نن پاکستان نا دفاع و شونداری نا اواری اٹ عزم کینہ، ہراوڑ قوم سانحہ اے پی ایس آ یکجا مس ہمووڑ سانحہ سیالکوٹ آ قومی سیوت نا درشانی ءِ کننگا۔ اوپارے کہ ننے آ توہین مذہب نا 137 غاو بس اگہ  کس اس توہین کیک، اونا غاو ءِ ہلسا عدالت اٹ یا پولیس آ کانہ، دا بابت کانود ساڑی ءِ، کس سے کانود ءِ دوٹی ہلنگ نا موکل اف۔