اسلام آباد۔ 16 دسمبر (اے پی پی) وزیر مملکت حوالکاری و شینکاری فرخ حبیب پارینے کہ اینو نادے مچ آ قوم اے پی ایس نا شہید آتے خراج عقیدت و سلام پیش کننگ ءِ، دا سانحہ مچ آ دنیا ءِ سرفیسس۔ سانحہ اے پی ایس شہید آتا 7 می برسی آ تینا کلہو اٹی فرخ حبیب پارے کہ حکومت تون اوار مچ آ قوم اے پی ایس نا شہید آتا خاہوت آتون سلوک ءِ۔ اوپارے کہ پاکستان نا تاریخ اٹ اے پی ایس نا کودک ہیروتا قربانی ءِ مدام یات تخنگک۔ وزیر مملکت حوالکاری و شینکاری پارے کہ سانحہ اے پی ایس مچ آ قوم ءِ اسٹ کرے، پاکستان نا سلہہ بند فوج، سیکورٹی فورس و الس دہشت گردی نا برخلاف قربانی تسر۔ وزیر مملکت پارے کہ پاکستان اٹ دہشت گردی ، انتہاپسندی نا ہچ ءُ گنجائشت اس اف، ننےتینا سلہہ بند فوج و سیکورٹی فورس آتیا گمر ءِ ہرافک تینا جان تا نذرانہ پیش کرسا امن کرینو۔
