اسلام آباد۔ 16 دسمبر (اے پی پی) بنجائی وزیر حوالکاری و شینکاری چوہدری فواد حسین سانحہ اے پی ایس نا شہید آتے خراج عقیدت پیش کرسا پارینے کہ ہفت سال تدینگ انگ آن پد ہم اینو نن سانحہ اے پی ایس ءِ گیرام کننگ کتنون، لغور شرپسند زموار آک قوم انا آخبت، کودک کم سن چناتیا جلہو کرسا اوفتے شہید کریر، دادے ءِ یات کرسا کس اس تینا خڑینک آتے توننگ کپک۔ پنچ شنبے نادے آ تینا اسہ بیان اسے ٹی اوپارے کہ سانحہ اے پی ایس نا شہید آک مچ آ قوم ءِ دہشت گردی نا برخلاف یکجا کریر، 16 دسمبر نا دے آرمی پبلک اسکول نا شہید آتا عظیم قربانی تا مدام یات ترفسا کیک۔ اوپارے کہ بحیثیت قوم نن دہشت گردی ءِ شکست تننگ کن بھلو سفراس طے کرین، نن پاکستان اٹ امن و شونداری نا کنڈآ ہِننگ اُن۔ بنجائی وزیر حوالکاری دعا کرے کہ اللہ تعالیٰ آرمی پبلک اسکول نا شہید آتا درجہ غاتے بڑز کے و اوفتا خاہوت آتے صبر و جمیل عطاکے۔ (آمین)
