قوم اے پی ایس نا کودک شہید و استاد آتا بے مٹ قربانی تے مدام یات تخک، صوبائی سلاہکار داخلہ میر ضیاء اللہ لانگو

کوئٹہ۔ 16 دسمبر (اے پی پی) صوبائی سلاہکار داخلہ و قبائلی امور بلوچستان میر ضیاء اللہ لانگو پارینے کہ اینو نا دے شہید آتا عظیم قربانی تا یات ءِ تازہ کرسا کیک۔ قوم اے پی ایس نا کودک شہید و استاد آتا بے مٹ قربانی تے مدام یات تخک۔ سلاہکار داخلہ ضیاء لانگو سانحہ آرمی پبلک اسکول پشاور نا شہید آتا ہفت می برسی نا وخت آ کلہو اٹ مستی پارے کہ سانحہ اے پی ایس ءِ 7 سال مسنے ولے دا است ہسون واقعہ نا زخم اینو ہم زندہ ءِ، سانحہ آرمی پبلک اسکول نا برسی کودک  شہید آتا عظیم قربانی تا یات ءِ تازہ کیک۔ شہید طالب علم، استاد و اوفتا باوہ ءِ سلام پیش کیوہ۔ سلاہکار داخلہ ضیاء لانگو مستی پارے کہ است ہسون سانحہ مچ آ قوم ءِ سرفے و مچ آ قوم ءِ دہشت گردی نا برخلاف یکجا کرے۔ اے پی ایس نا کودک چناک تینا دتر اٹ رکھ و پرامن پاکستان نا تاریخ ءِ نوشتہ کریر، سانحہ آرمی پبلک اسکول ملکی تاریخ نا تہار ءُ دے اسے ، سلاہکار داخلہ بلوچستان میر ضیاء لانگو پارے کہ مچ آ قوم ، سیاسی سرکڑدہ و سیکورٹی فورس آک دہشت گردی نا چٹفنگ کن اسہ پنہ غاٹو۔ اوپارے کہ طالب علم و استاد آتا داعظیم قربانی نا طفیل قوم انا بے مٹ سیوت و سخا مون آ بس، نن ہندا سیوت و سخا نا سوب آن اواری اٹ دہشت گردی ءِ شکست تسن۔ مملکت خداداد پاکستان نا چناچنا اے پی ایس شہید آتا بے مٹ قربانی تے مدام یات تخک۔