اسلام آباد۔ 16 دسمبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل اے پی ایس نا شہید آتے خراج عقیدت پیش کرسا پارینے کہ اینو سانحہ اے پی ایس ءِ 7 سال مس سانحہ ٹی شہید مروک آ چناک پاکستانی الس ءِ ظلم انا برخلاف یکجا کریر۔ پنچ شنبے نادے آ تینا ٹویٹ اٹی اوپارے کہ وزیراعظم عمران خان نیشنل ایکشن پلان آعمل و نیشنل انٹیلی جنس کوآرڈنیشن کمیٹی اس جوڑ کرسا دہشت گردی نا عفریت نا مخ ءِ پرغا۔ اے پی ایس نا شہید آتے خراج عقیدت پیش کینہ۔ نن شہید آتا خاہوت نا غم اٹی بریبر نا شریک اُن۔
