پاکستان اٹ سام سنگ فون تا پیدواری پلانٹ اینخو سال انا ایسر اسکان کاریم نا بناءِ کیک، سویلی کوریائی سفیر

اسلام آباد۔ 16 دسمبر (اے پی پی) پاکستان اٹ سویلی کوریانا سفیر سوسینگ پاؤ پارینے کہ پاکستان اٹ سام سنگ موبائل فون تا پیدواری پلانٹ آن روزگار نا سد آ پوسکن ءُ وارخواہی ودی مریک۔ سام سنگ موبائل فون نا پاکستان اٹ تیاری نا بابت سویلی کوریا نا سفیر پارینے کہ سام سنگ فون تا پیدواری پلانٹ اینخو سال انا ایسر اسکان کاریم نا بناءِ کیک و داڑآن 800 آن زیات ہندی بندغ آتے کن روزگار نا پوسکن ءُ وارخواہی ودی مریک۔ اوپارے کہ پاکستان و سویلی کوریا چندی بشخ آتیٹی شریداری نا مون آ دننگ آن زرگزرانی رابطہ غاتے ودفنگ ءُ۔ اوپارے کہ داوخت آ پاکستان و سویلی کوریانا تین پہ تینی واپار 1.4 ارب ڈالر ءِ ہرا کچ آن کم ءِ۔ اوپارے کہ ہڑتوم آ ملک آتا تین پہ تینی واپار اٹی پین ودکی مریک۔