سکردو۔16دسمبر (اے پی پی): مزن وزیر عمران خان ءَ سکرودو ائیر پورٹ ءِ سر ءَ انٹرنیشنل آپریشن ءِ واستہ پراھ ءُ شاھیگان کنگ ءِ کار ءِ بنگیج کت۔ پنچ شمبے ءِ روچ ءَ مزن وزیر ءَ اے منصوبگ ءِ بنگیج کنگ ءِ واستہ وھد ءِ پج ات گڈا گلگت بلتستان ءِ دو زھگ آں مزن وزیر ءَ را پُل آنی ساچی دات۔ اے موہ ءِ سر ءَ بنجاھی وزیر بالیگ غلام سرور خان، سر وزیر گلگت بلتستان خالد خوارشید ءُ ایندگر ھم ساڑی اتنت۔ مزن وزیر ءَ اے موہ ءِ سر ءَ جگوٹ سکردو روڈ ءِ سر ءَ تختی جت ءُ دیمدرائی کت ءُ اے کار ءِ بنگیج کت وھدیکہ مزن وزیر ءَ را اے منصوبگ ءِ ھوالگ ءَ بریفنگ ھم دیگ بوت۔ بنجاھی وزیر رسانک مراد سعید ءَ مزن وزیر ءَ را جگوٹ سکرودو روڈ ءِ ھوالگ ءَ بریفنگ دات۔
