سکردو۔16دسمبر (اے پی پی): مزن وزیر عمران خان ءَ پنچ شمبے ءِ روچ ءَ ادا سکرودو ائیر پورٹ ءِ انٹرنیشنل آپریشن ءِ ھاترا پراھ ءُ شاھیگان کنگ ءُ اپ گریڈیشن ءِ کار ءِ بنگیج کت۔ مزن وزیر ءَ وتی یک ٹویٹے ءَ گوشت کہ سکرود انترنیشنل ائیر پورٹ ءِ بنگیج کتگ۔ ان شاء اللہ اے مائیونٹین ٹورزم ءَ را انچیں تکے ءَ بارت آھوادا ملک ءِ واستہ گیر ملکی زر امبار کئیت ءُ ھندی آباتی آنی کد ءُ بالاد برز ءُ بلند بیت۔ آئی ءَ گوشت کہ من جوانیں وش اتک ءِ پد ءَ سکردو ءِ الس آنی شگر ءُ منت وار آں۔ ایشی ءَ چہ پیسر مزن وزیر ءَ اے منصوبگ ءِ بنگیج کنگ سکردو پج ات گڈا دو زھگ وتی دود ءُ ربیدگی پوشاک آنی تہ ءَ مزن وزیر ءَ پُل آنی ساچی دات۔ اے موہ ءِ سر ءَ بنجاھی وزیر بالیگ غلام سرور خان، سر وزیر گلگت بلتستان خالد خورشید ءُ ایندگر ھم ساڑی اتنت۔ مزن وزیر ءَ اے موہ ءِ سر ءَ جگلوٹ سکردو روڈ ءِ ءَ سر ءَ دیمدرائی کت ءُ اے منصوبگ ءِ بنگیج کت وھیکہ اے منصوبگ ءِ بابت ءَ آئی ءَ را بریفنگ ھم دیگ بوت۔ بنجاھی وزیر رسانک مراد سعید ءَ مزن وزیر ءَ را جگوٹ سکردو روڈ ءِ ھوالگ ءَ بریفنگ دات۔ مزن وزیر ءَ سکردو ائیر پورٹ ءَ درچک ءِ نہال ءِ کشت۔
