اوگانستان ءِ معاشی ڈکالی سہرائی ءَ  گندگ بوھگ ءَ انت،  ڈکال ءَ چہ ایوک ءَ پاکستان ناں بلکینگ ءَ سرجمیں پڑ آماچ بیت،  دگنیا ءَ را  اوگانستان ءِ جیڈھ آنی تہ ءَ پینگ  جنگ لوٹ ایت، وزیر ءِ  درئی کار شاہ محمود قریشی

اسلام آباد۔15دسمبر  (اے پی پی): وزیر ءِ درئی کار شاہ محمود قریشی ءَ گوشت کہ اوگانستان ءِ معاشی  ڈکالی  سہرائی ءَ گندگ بوھگ ءَ انت، ڈکال ءَ چہ پاکستان ناں بلکینگ ءَ سرجمیں پڑ آماچ بیت۔ ترکی، ایران ، انڈونیشیا ءُ ایندگر عرب ملک، او آئی سی ءِ باسک افریقی ملک آں اے  کانفرنس ءَ بھر زوری ءِ زبان داتگ،  ما او آئی سی ملک آں ابید سلامتی کونسل ءِ 5 پکوئیں باسک، ارزشتی ایں یورپی ملک ءُ یونائیٹڈ نیشن ءِ نماھندگ آناں  اے دیوان ءَ بھر زوری ءِ  دعوت داتگ۔ چار شمبے ءِ روچ ءَ  او آئی سی وزیر ءِ درئی کار  کونسل دیوان ءِ ایوکیں ایجنڈا اوگانستان ءِ  جاور ھال بیت۔  من مرچی دگنیا ءَ را باور کنائینگ لوٹاں کہ اگاں اوگانستان   ءِ جاور ھال آناں پکوئیں رنگ ءَ  گیوار کنگ نہ بوت  گڈا اوگانستان  یک ڈوئیں بنی آدمی ڈکالے ءِ آماچ  بوت کنت۔   اوگانستا ءِ معاشی ڈکالی سہرائی ءَ گوں گندگ بوھگ ءَ انت،  اے ڈکال ءَ چہ پاکستان ناں بلکینگ ءَ  سرجمیں  پڑ آماچ بیت۔  دگنیا ءَ را  اوگانستان ءِ جیڈھ آناں  زوتیں رنگ ءَ  گیوار کنگ لوٹ ایت۔  آئی ءَ گوشت کہ  مرچی یونائیٹڈ نیشن ، میاں اوستمانی بینک، آئی ایم ایف، مئے گپ ءَ  جنگ ءَ انت،  آ گوشگ ءَ انت کہ  اوگانستان  ءِ  سر ءَ جتگیں  بندش  آناں کم کنگ نہ بوت  ءُ اوگان آناں زوتیں رد ءَ کمک رسینگ نہ بوت گڈا ٹوھیں ڈکالے ءِ ودی بوت کنت۔  آئی ءَ گوشت کہ میاں اوستمانی ادارگ  گوشگ ءَ انت کہ اگاں زوتیں رنگ ءَ دلگوش دیگ نہ بوت گدا 2022 ءِ نیام ءَ 97 درسد اوگان  گریبی ءِ لکیر ءَ  چہ جھل  بنت۔  آئی ءَ گوشت کہ اگان جاور ھال ھراب بوھگ ءَ چہ ناشرکاری ءَ  ودی بوھگ ءَ  موہ رسیت۔ ناشرکاری ءِ ھلاپ کتگیں کار  ملیا میٹ بنت۔ ضلورت ءِ سامان  اوگانستان ءِ نیمگ ءَ  برگ بنت گڈا پاکستان ءَ گران بہائی گیش بیت۔