بنجاھی وزیر شفقت محمود ءَ گوں اوگان وزیر برائے  مزن تکی  وانگ ءُ زانگ الحاج عبدالباقی حقانی ءِ سروکی ءَ 5 باسکی ڈل ءَ گوں گند ءُ نند

اسلام آباد۔15دسمبر  (اے پی پی): بنجاھی وزیر  وانگ ءُ زانگ ءُ کزبی کار،  ءُ ھیل کاری، راجی مڈی ءُ دود ءُ ربیدگ شفقت محمود ءَ گوں مزن تکی  وانگ ءُ زانگ ءِ وزیر عبدالباقی حقانی ءِ سروکی ءَ 5 باسکی ڈل ءَ گند ءُ نند کت۔ بنجاھی وزیر شفقت محمود ءَ ڈل ءَ را وش اتک کت  ءُ گوشت کہ اوگان الس مئے دل ءِ نزیک ءَ  انت۔   مزن وزیر  عمران خان ءَ بار بار گوشتگ کہ ھمک رنگ ءَ  اوگانستان ءِ دیمروئی ءُ اوگان الس آنی گہبود ءِ واستہ استیں  ادارُکی حکومت ءِ کمک کنگ بہ بیت۔ بنجاھی وزیر شفقت محمود ءَگوشت کہ اوگان نودربر  آنی  جوانیں وانگ ءُ زانگ ءُ سکالرشپس آنی کساس ءَ را ودینان ءَ 4500 کتگ  ایش آیوکیں  سئے سال آنی تہ ءَ دیگ بنت۔ اوگان نرسنگ ءِ شوبگ ءَ دیمروئی ءِ واستہ 100  سکالرشپس ءِ  بندات ءَ کنگ ءَ آں،  آیوکیں سال ءَ  ایشانی تہ ءَ  گیش گیشی کنگ بیت وھدیکہ اوگان نوردبر آناں بلدکار ی ءِ زانشت  ءَ چہ  سئیگ ءُ سرپد کنگ ءِ واستہ نیو ٹیک ءِ وسیلگ ءَ ھمک رنگیں کمک کناں۔