وزیر ءِ درئی  کار مخدوم شاہ محمود قریشی ءِ سروکی ءَ دیوان، او آئی سی وزیر  ءِ درئی کار کونسل ءِ لس دیوان ءِ انتظامی  کار آنی سر ءَ  چار ءُ  تپاسی گرگ بوت

اسلام آباد۔15دسمبر  (اے پی پی):او آئی سی   ءِ  وزیر  ءِ درئی کار  کونسل ءِ لس دیوان ءِ انتظامی آناں پکوئیں رنگ ءَ چار ءُ تپاسی  ءِ واستہ وزیر ءِ  درئی کار مخدوم شاہ محمود قریشی  ءِ سروکی ءَ مزن تکی دیوان چار شمبے ءَ وزارت ءِ درئی کار ءَ برجم  دارگ بوت۔ دیوان ءَ بنجاھی اھوالکاری   وزیر  چوہدری فواد حسین   ، سیکرٹری درئی کار سہیل محمود، وزارت ءِ درئی کار ءِ ترجمان عاصم افتخار ءُ ایندگر کلانہ ایں اپسرگ آں بھر زوری کت۔ پی آئی او سہیل علی خان،  ڈائریکٹر جنرل ایکسٹرنل پبلسٹی عنبرین جان، ایم ڈی اے پی پی مبشر حسن ءَ  ھوار اھوالکاری ءِ کلانہ ایں اپسرگ  اے موہ ءِ سر ءَ ساڑی اتنت۔  وزیر ءِ درئی کار ءَ را او آئی  سی  وزیر ءِ درئی کار کونسل ءِ لس  دیوان ءِ انتظامی  آنی جتا جتائیں بھر آنی بابت ءَ سرجمیں بریفنگ دیگ بوت۔ وزیر ءِ درئی کار  ءَ انتظامی  گامگیج آنی سر ءَ دل یکیمی ءِ درشان کت ءُ ایشاناں گیش گہتر کنگ ءِ واستہ  ھاسیں پنت ءُ شون ھم دات۔  وزیر ءِ درئی کار ءَ گوشت کہ پاکستان چیل ءُ یک سال ءَ چہ پد او آئی سی ءِ وزیر ءِ درئی کار کونسل ءِ لس دیوان  برائے اوگانستان ءِ میزبانی ءَ کنگ ءَ انت۔   آءی ءَ گوشت کہ اے دیوان  گیش بوھوکیں  اوگانستان ءَ بنی آدمی ڈکال ءَ گوں گر ءُ چیل ءُ اوگانستان ءِ ایمنی ءُ برجائی ءِ  ھوالگ ءَ   وت مہ وتی تپاکی  ءِ واستہ چار ءُ بچار  کنگ ءِ یک جوانیں موہ  ءِ پجار ی بیت۔