نومبر ءِ  ساھت ءَ گس آنی ٹیکسٹائل، گارمنٹس، جرسی  آنی برآمدات آنی تہ ءَ گیشی بوتگ، مزن وزیر  ءِ مشیر برائے تجارت  عبدالرزاق دائود  ءِ بیان

اسلام آباد۔15دسمبر  (اے پی پی): مزن وزیر ءِ مشیر برائے تجارت عبدالرزاق دائود ءَ گوشت کہ نومبر 2021 ءِ ساھت ءَ پاکستان ءِ  گس آنی ٹیکسٹائل، گارمنٹس ، جرسی ءِ برآمدات آنی تہءَ گیشی بوتگ،  چمڑا ءِ گد، فروٹ ءُ سبزی ءُ سیمنٹ ءِ برآمد ءِ چیز نومبر  ءَ 2020 ءِ مقابلہ ءَ گیش  بوتگ انت۔ چار شمبے ءَ ادا یک بیانے ءِ تہ  ءَ آئی ءَگوشت کہ  نومبر 2021 ءِ ساھت ءَ پلاسٹک،  جرائی ساز ءُ سامان، گوشت ءِ برآمد کنگ ءِ تہ ءَ گیشی وھدیکہ تمباک ءُ سگریٹ ءُ دار ءِ فرنیچر ءِ برآمد کنگ ءِ تہ ءَ کمی بوتگ۔  آئی ءَ گوشت کہ  امریکا، چین ، متحدہ عرب امارات،  ہالینڈ ءِ برآمدی کنگی چیز آنی تہءَ گیشی بوتگ۔  آئی ءَگوشت کہ بنگلہ دیش ،  جرمنی، سری لنکا، بیلجیئم ، ملائیشیا ءُ اٹلی ءِ واستہ  ھم پاکستانی برآمدی چیز آنی تہ ءَ گیشی بوتگ وھدیکہ نومبر 2021 ءِ ساھت ءَ اوگانستان، انڈونیشیا، ویت نام،  یوکرین ءُ یمن ءَ را برآمدات   گیش  کم بوتگ انت۔   گوزوکیں مالی سال اکتوبر ءَ  ازمت آنی  برآمدات 532 ملین ڈالر بوتگ انت۔