مزن وزیر  عمران خان ملک ءُ  آیوکیں  باھند آنی آنی بابت ءَ سسا کنت، وزیر ءِ مملکت اھوالکاری ءُ شنگ کاری فرخ حبیب ءِ مراگش ءَ گوں گشتانک

اسلام آباد۔15دسمبر  (اے پی پی): وزیر ءِ مملکت اھوالکاری ءُ  شنگ کاری فرخ حبیب ءَ گوشت کہ مزن وزیر عمران خان  ملک ءُ  آیوکیں باھند آنی   بابت ءَ سسا کنگ  ءُ آوانی  واستہ گامگیج چست کنت، عمران خان ءِ سروکی ءَ  حکومت  سرجمیں ملک ءَ تبکاتی وانگ ءُ زانگ ءَ را ھلاس کنان  ءَ  یک رنگیں نظام ءِ  برجا کنگ  لوٹ ایت۔ اے ھیالانی درشانی آئی ءَ  چار شمبے ءِ روچ ءَ ادا  مراگش ءَ گوں گشتانک دیان ء۔ کت۔ وزیر ءِ مملکت  فرخ حبیب ءَ گوشت کہ  کپتان  عمران  خان  ءِ سروکی ءَ راجی کرکٹ ٹیمب  ءَ 1992 نءِ کرکٹ ورلڈ کپ  وتی نام ءَ کتگ،  ھما  واں گوشتگ کہ شوکت خانم ہسپتال جوڑ نہ بیت آ بچار انت کہ گیش دو کینسر  ہسپتال  جوڑ بوتگ۔ پاکستان ءِ  شرپ مندیں  الس  ھمک سال 10 ارب کلدار ءِ   کمک ءَ شوکت  خانم  ہسپتال ءَ را  کناں۔   ایشی ءِ وسیلگ ءَ  گریب آنی مپت ءَ علاج کنگ  بوھگ ءَ انت۔   آئی ءَ گوشت کہ  عمران خان  مدام کرپٹیں  سروک آنی ھلاپ بوتگ۔  تبدیلی ءُ نوکیں پاکستان ءِ چراگ  ءَ زوران ءَ  عمران خان  ءَ 22 سال ءَ جہد ءُ کوشست کتگ۔ انصاف ءِ کلوہ کوچگ ءُ دمگ  آں تاں سر کتگ، میانوالی ءَ نمل  یونیورسٹٰ ءِ گوما یک سرجمیں  نالج سٹی ءِ جوڑ بوھگی انت۔  آئی ءَ گوشت کہ پی ٹی آئی ایوکیں پارٹی انت کہ آ پنجاپ، کے پی کے، بلوچستان ، آزات جموں کشمیر، گلگت  بلتستان ءَ حکومت  کنگ ءَ انت۔  مزن وزیر  عمران خان  ملک ءُ آیوکیں باھند آنی واستہ سسا کنگ ءُ آوانی واستہ گامگیج چست کنت۔