تدوک آ 24 گھنٹہ ٹی کورونا دین انا 370 کیس، 4 مرک رپورٹ مس، نیشنل کمانڈ اینڈ آپریشن سینٹر

اسلام آباد۔ 15 دسمبر (اے پی پی) تدوک آ بیست ءُ چار گھنٹہ ٹی کورونا دین انا سوب آن خیبرپختونخواآن پد سندھ اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 4 مرک مس ہرافتیان 3 ناجوڑ وینٹی لیٹرآتیا ئسر ۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 370 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹرآتیا کوویڈ۔ 19 نا ناجوڑ آتا بیٹ کچ انا رداٹ پشاور اٹی 12 درسد، اسلام آباد اٹی 12 درسد، سرگودھاٹی 13 درسد و ملتان اٹی 12 درسد ناجوڑ ءُ۔ ہندا وڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ ملتان اٹی 24 درسد، پشاور اٹی 12 درسد، سرگودھا ٹی 15 درسد و اسلام آباد اٹی 13 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 44 ہزار 609 ٹیسٹ کننگا ہرافتیان سندھ اٹی 13 ہزار 819، پنجاب اٹی 16 ہزار 817، خیبرپختونخوا ٹی 7 ہزار 369 ، اسلام آباد اٹی 5 ہزار 397 ، بلوچستان اٹی 546، گلگت بلتستان اٹی 316 ٹیسٹ، آزاد کشمیر اٹی 345 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 51 ہزار 778 مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 79 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 9 ہزار 292 ءِ۔ مچ آ ملک اٹی کورونا دین آن زہمی بندغ آتا کچ 12 لکھ 89 ہزار 913 ءِ ہرافتیان آزاد کشمیر اٹی 34 ہزار 618 ، بلوچستان اٹی 33 ہزار 539، گلگت بلتستان اٹی 10 ہزار 427، اسلام آباد اٹی 1 لکھ 8ہزار 172، خیبرپختونخواٹی 1 لکھ 8 ہزار 760، پنجاب اٹی 4 لکھ 43 ہزار 985 و سندھ اٹی 4 لکھ 78 ہزار 412 ناجوڑ ءُ۔ مچ آ ملک اٹی کورونا دین آن زوال کروک آتا کچ 28 ہزار 843 مسنے۔ ہرافتیان سندھ اٹی 7 ہزار 640 مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر، پنجاب اٹی 13 ہزار 52 مرک، خیبرپختونخوا ٹی 5 ہزار 896 مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دادین آن زوال کریر، اسلام آباد اٹی کل 963 مرک، بلوچستان اٹی کل 363 مرک، گلگت بلتستان اٹی 186 مرک، آزاد کشمیر اٹی دادین آن 743 مرک مسنے۔ داتم اسکان مچ آ ملک اٹی کوویڈ۔ 19 نا 2 کروڑ 26 لکھ 46 ہزار 130 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی 743 ناجوڑ درمان مننگ ءُ۔