اسلام آباد۔ 15 دسمبر (اے پی پی) برطانیہ ٹی رہینگوک آ پاکستانی شاری عثمان ءِ پاکستان سٹیزن پورٹل آ غاو تا درج انا ورندی ٹی پلوک آ 8 کروڑ 80 لکھ روپئی نا زر و جائیداد پدی ملا۔ شاری عثمان وزیراعظم عمران خان و سٹیزن پورٹل ٹیم انا منت واری ءِ ہرفینے۔ وزیراعظم میڈیا آفس آن جاری ویڈیو نا رداٹ شاری عثمان پارینے کہ او برطانیہ غان کاروبار نا غرض اٹ پاکستان آ بس تو اودے برمتہ کننگا، اودے اسلام آباد اٹ تخنگا و اودے اونا جائیداد و زر آن محروم کننگا، برطانیہ غان اونا مارک پاکستان سٹیزن پورٹل آ غاودرج کرفیر ہراڑآ دمدستی کارروائی کننگا و اونا پلوک آ 8 کروڑ 80 لکھ روپئی نا زر و جائیداد اودے پدی ملا، داڑآ او وزیراعظم عمران خان و سٹیزن پورٹل نا منت وار ءِ۔ اودعاکرے کہ اللہ پاک وزیراعظم عمران خان ءِ خوش تخے۔
