صدر آزاد کشمیر بیرسٹر سلطان محمود چوہدری تون سینیٹر ڈاکٹر زرقہ سہروردی نا اوڑدہی

اسلام آباد۔ 15 دسمبر (اے پی پی) صدر آزاد کشمیر بیرسٹر سلطان محمود چوہدری تون سینیٹر ڈاکٹر زرقہ سہروردی ایوان صدر کشمیر ہاؤس اسلام آباد اٹی اوڑدہی کرے۔ داوخت آ صدر آزاد کشمیر صدر آزاد کشمیر بیرسٹر سلطان محمود چوہدری پارے کہ ہراڑے ای کشمیر نا ویل ءِ تالان کننگ کن جہانی فورم و دنیا نا چندی پارلیمان تیا کاوہ ہنداوڑ پاکستان اٹی ہم کشمیر نا ویل آ قوم ءِ اوار تفوئی مریک دا چرجوئی ٹی سینیٹ و قومی اسمبلی پہل کرسا وقتا فوقتا کشمیر نا ویل آ قرارداد پاس کرسا کریر ۔ ہنداوڑ بھارت نا غیر کانودی کوزہ گیری ٹی جموں و کشمیر اٹی ظلم و بربریت نا مذمت ءِ کرسا کرے۔ بیرسٹر سلطان محمد چوہدری پارے کہ سینیٹر ڈاکٹر زرقہ سہروری نا باوہ عبدالحق سہروردی آزاد کشمیر نا اولیکو چیف سیکرٹری ئس و او آزاد کشمیر اٹی بیوروکریسی نا بنداوءِ تخا۔ او شاید اسٹ انگا چیف سیکرٹری ئسک ہرانا تعلق آزاد کشمیر آن ئس و کنے پکا اومیت ءِ کہ اونا مسڑ مننگ نا ناطہ نی ہم مقبوضہ کشمیر اٹی برجاانسانی حق انا لتاڑنگ نا برخلاف و کشمیر نا ویل انا ایسری کن سینیٹ و ایلو فورم تیا توار بڑزکرسا کیک۔ داوخت آ سینیٹر ڈاکٹر زرقہ سہروردی باور کرفے کہ نن ہم نما ہم کوپہ کشمیر نا ویل ءِ انٹرنیشنل کمیونٹی نا مون آ تالان کننگ کن تینا کڑد ءِ ادا کرسا کیک۔