اسلام آباد۔ 15 دسمبر (اے پی پی) سپریم کورٹ 25 می آئینی ترمیم نا برخلاف دائر درخواست آتیا سماعت ءِ بروک آ تُو اسکان پد بٹے۔ اٹارنی جنرل خالد جاوید خان و ایڈووکیٹ جنرل خیبرپختونخوا درخواست آتا قابل سماعت مننگ آ اعتراض کرے۔ چارشنبے نادے آ جسٹس عمر عطاء بندیال نا کماشی ٹی مسہ باسکی بنچ 25 می آئینی ترمیم نا برخلاف دائر درخواست آتیا سماعت کرے۔ سماعت اٹی وکیل درخواست گزار وسیم سجاد دلیل ترسا موقف تینا کرے کہ درخواست نا قابل سماعت مننگ نا بابت نوشتہی ورندی عدالت اٹ جمع کرفینے ، خواست ءِ کہ عدالت اول کیس انا میرٹ ءِ بنے ولدا اوڑتون اوار درخواست نا قابل سماعت مننگ آ ہم فیصلہ کے، عدالت وخت ایتے بروک آ سماعت آ کیس انا میرٹ آ دلیل ایتیوہ۔ عدالت عظمیٰ وکیل درخواست گزار نا خواست ءِ منظور کرسا بروک آ سماعت اسکان نا وخت ترسا گوندانے کہ درخواست گزار تینا دلیل آتا خلاصہ ءِ عدالت اٹ جمع کرفے۔
