اسلام آباد۔ 14 دسمبر (اے پی پی) صدر آزاد جموں و کشمیر بیرسٹر سلطان محمود چوہدری پارینے کہ کشمیر نا ویل ءِ ہرفنگ ننا بایدے اولیت مرے ای امریکہ، برطانیہ و یورپ نا دورہ ءِ کرسا جہانی کہول آکشمیر نا ویل ءِ ہرفیٹ۔ آزاد کشمیر اٹی بلدیاتی گچین کاری و احتساب مرے انتئے کہ وزیراعظم پاکستان عمران نا ویژن ہندادے کہ گڈ گورننس کن احتساب بایدے مرے۔ ہنداوڑ آزاد کشمیر اٹی حکومت نا کارکڑد ءِ گچین کننگ نا گرج ءِ۔ ہنداخاطرآن ننے جم کارکڑد ءِ گچین کننگ ءِ۔ داخیال آتا درشانی ءِ او سے شنبے نادے آ داڑے پی ٹی آئی آزاد کشمیر نا پارلیمانی پارٹی نا وزراء، پارلیمانی سیکرٹریز و اسمبلی نا باسک آتا اسہ دیوان اسے آن ایوان صدر کشمیر ہاؤس اسلام آبادا ٹی تران کرسا کرے۔ داوخت آ وزیر بلدیات خواجہ فاروق احمد، وزیر ڈٹ بندی و شونداری چوہدری محمد رشید، وزیر تعمیرات عامہ چوہدری اظہر صادق، وزیر برقیات چوہدری ارشد حسین، وزیر ہائیر ایجوکیشن ملک ظفر حسین، وزیر حوالکاری و شینکاری فہیم اختر ربانی، وزیر ایلیمنٹری و سیکنڈری ایجوکیشن دیوان علی چغتائی، وزیر جان جوڑی عامہ نثار انصر ابدالی، وزیر راجی آسراتی سردار محمد حسین، وزیر مال چوہدری اخلاق، سلاہکار حکومت چوہدری مقبول گجر، باسک کانود ساز اسمبلی دیوان غلام محی الدین، باسک کانود ساز اسمبلی یاسر سلطان، باسک کانود ساز اسمبلی عاصم شریف بٹ، پارلیمانی سیکرٹری اسپورٹس کلچر و امور نوجوانان پیر مظہر شاہ، پارلیمانی سیکرٹری گودی صبیحہ صدیق و پارلیمانی سیکرٹری جاوید بٹ ئسک ہم ساڑی ئسر۔ داوخت آ چندی وزیر آک و اسمبلی نا باسک آک تینا تینا محکمہ و حلقہ غاتیٹی مشکلات و وزیراعظم آزاد کشمیر نا کنڈآن وزیر و اسمبلی نا باسک آتے تینا تینا حلقہ غاتیٹی گوجالنگ و سلابت نا کمتی آن صدر ریاست آزاد جموں و کشمیر بیرسٹرسلطان محمود چوہدری ءِ معلومدار کریر۔ دیوان اٹی غٹ اسمبلی نا باسک آک تینا تینا خیال آتا درشانی ءِ کریر۔ داوخت آ صدر آزاد کشمیر بیرسٹر سلطان محمود چوہدری ایسر اٹ شرہ ءِ چٹفسا پارے کہ ننے پین گچینی اتوئی مریک دا چرجوئی ٹی غٹ مخلوق ءِ تینا تینا زمواری تے پورو کروئی مریک و خاص وڑاٹ وزیراعظم آزاد کشمیر آ ہرا زمواری مریک اوپورو کرسا گچینی اتوئی مریک تانکہ نن وزیراعظم عمران خان نا ویژن نا رداٹ مون آ ہِننگ کین۔
