کوئٹہ۔ 14 دسمبر (اے پی پی) گورنر بلوچستان سید ظہور احمد آغا پارینے کہ بے توار مخلوق نا توار جوڑ مننگ و بے سیبو مخلوق ءِ سیبو تننگ افسر اسے نا عظمت نا سوب ءِ، سرکاری آفیسر آک ہروڑنا زور اٹ بننگ آن بیدس تینا کسبی لائخی تے کاریم اٹ اتسا الس ءِ مون تروک مشکل آتے ایسر کیر، گڈ گورننس قائم کننگ و راج ءِ ناروا سفارش و کرپشن آن پاک تخنگ اٹ آفسیر آک تینا پبی کڑد ءِ ادا کیر۔ داخیال آتا درشانی ءِ او سے شنبے نادے آ گورنر ہاؤس کوئٹہ ٹی ڈی جی نیشنل مینجمنٹ کورس ارم بخاری نا کماشی ٹی زیر تربیت آفیسر آتون اوڑدہی ٹی کرے۔ گورنر سید ظہور احمد آغا پارے کہ ننا داڑے بھاز زیبا ءُ ہند ارے و سیل وسوات نا مون آ دننگ آن ملک و صوبہ نا زرگزران ءِ سوگوی تننگ مریک۔ اوپارے کہ شونداری ڈٹ آتا بھرم آتیان الس ءِ فائدہ تننگ و گچین طرز حکمرانی ءِ برقرار تخنگ اٹ سرکاری آفیسر آتا اہم ءُ کڑد اسے۔ اوپارے کہ آفیسر آک تینا ذات آن پیش تمسا و جند انا فائدہ غاتے اجتماعی فائدہ غاتیا قربانی کننگ نا جوزہ ءِ ودی کیر۔
