30 سال ملک ءِ پلوک آک 3 سال انا کارکڑد آ سوج کننگ ءُ، غریب نا پن آ غریب ءِ پلوک آ مردہ ضمیر مخلوق خدا نا خوف ءِِ کیر، ڈاکٹر شہباز گل

اسلام آباد۔ 14 دسمبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ 30 سال ملک ءِ پلوک آک 3 سال انا کارکڑد آ سوج کننگ ءُ، غریب نا پن آ غریب ءِ پلوک آ مردہ ضمیر مخلوق خدانا خوف ءِ کیر۔ سے شنبے نادے آ شہباز شریف نا بیان آ ردعمل اٹ اوپارے کہ 30 سال ملک ءِ پلوک آک 3 سال انا کارکڑد آ سوج کننگ ءُ۔ الس نا پیسہ غاتے پُلسا سائیکل نادوکان آن ارب پتی جوڑ مروک آک ہراتم حساب ایترہ؟۔ اوپارے کہ ایماندار باوہ و مارتا پن جائیداد جوڑ کروک آ ہراتم ورندی ایترہ؟۔ غریب نا پن آ غریب ءِ پلوک آ مردہ ضمیر مخلوق خدانا خوف ءِ کیر۔ خصوصی کمکار پارے کہ تقریرآخا، چنکا میاں کرپشن و منی لانڈرنگ نا ورندی ءِ ایتے۔ ہڑدے سہب اتون کاپی پیسٹ مروک جعلی بیانیہ تالان کننگک۔ ڈاکٹر شہباز گل پارے کہ اسہ وڑنا لائن نوشتہ کرسا الس ءِ ریفنگ مریک۔ الس کبینی نا سوب آتے چاہک نی تینا مقدمہ غاتا ورندی ءِ ایت۔