راولپنڈی۔ 14 دسمبر (اے پی پی) بلوچستان اٹی پاک ایران سیم اتون سیکورٹی فورس آتا چیک پوسٹ آ دہشت گرد آتا سم کاری آن اسہ کارندہ اس شہید مس۔ پاک فوج انا شعبہ تعلقات عامہ نا رداٹ دہشت گرد آتا اسہ پڑک اس بلوچستان نا عبدوئی سیکٹر اٹ پاک ایران سیم آ سیکورٹی فورس آتا اسہ چوکی اسے شست کرے۔ اسہ ایلو آ سم کاری ٹی لانس نائیک ظہیر احمد نرزوری اٹ جنگ ترسا شہیدی نا جام ءِ نوش کرے۔ سیکورٹی کارندہ غاتا ورندی کارروائی ٹی نروک آ دہشت گرد آتے ہم نسخان رسینگا۔ پاکستان نا سیکورٹی فورس آک ملک دشمن زموار آتا کنڈآن بلوچستان نا امن، سوگوی و شونداری ءِ نسخان تننگ نا داوڑنا کارروائی تے شکست تننگ کن سنبرینگوک ءُ۔

متعلقہ مضامینمصنف کی طرف سے مزید