اسلام آباد۔ 14 دسمبر (اے پی پی) پاک فضائیہ نا شعبہ تعلقات عامہ 1971نا جنگی کارنامہ غاتیا مبنی گونڈ ءُ دستاویزی فلم اس جاری کرے۔ دادستاویزی فلم اٹی 1971 نا پاک بھارت جنگ اٹی پاک فضائیہ نا جانباز ہواباز و ورناتا ناقابل فراموش کڑد ءِ تالان کننگانے ہرافک دشمن نا برخلاف جیرت، شجاعت ونرزوری نا بے مٹ ءُ داستان اس نوشتہ کریر۔ پاک فضائیہ نا ترجمان نا رداٹ دستاویزی فلم اٹ دا قول ءِ پوسکن کننگانے کہ پاکستان نا سلہہ بند فوج اکن لمہ وطن نا دفاع کن جان نا نذرانہ تننگ آن بھلو ہچ ءُ مقدس نصب العین اس اف و ننا شہید آتا قربانیک زیان مفسہ۔ ننا اسلاف نا دا عظیم و بے مٹ قربانی تے تاریخ نا روشنا حرف آتیٹی مدام یات تخنگک۔
