اسلام آباد۔ 14 دسمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ شاہد خاقان عباسی و محمد زبیر نا بیانک ن لیگ انا تہہ ٹی بشخ وپانٹ ءِ پین پیدوار کرینو، داخاہوت آک ملک انا بھسکاری ءِ کشار، ن لیگ اٹ داسہ پوسکن آ سرکڑدہ مون آ بریک ہرا جوان ءُ ہیت اسے، پیپلزپارٹی ہم زرداری آن مون آ پیش تمے۔ سے شنبے نادے آ تینا ٹویٹ اٹی اوپارے کہ داتُو خیبرپختونخوا و بروک آ منہ تُو اٹی پنجاب اٹی واکدار ہندی حکومت آتا گچین کاری حکومت نا پت ءِ ظاہر کیک، پیپلزپارٹی و ن لیگ خیبرپختونخوا ٹی اومیتدار ہم بش کننگ کتوس، ہندا حالیت پنجاب اٹی مریک۔ اوپارے کہ بیرہ اسہ اِرا ٹی وی چینل اوفتا عملی وڑاٹ مڑدہ سیاست ءِ زندتخنگ نا سعی کننگ ءُ۔
