لاہور۔ 13 دسمبر (اے پی پی) وزیراعظم عمران خان اسہ دے ئی دورہ غا لاہور آ سرمس۔ دوشنبے نادے آ وزیراعظم میڈیا آفس آن جاری بیان نا رداٹ وزیراعظم تون گورنر و وزیراعلیٰ پنجاب تون اوار اہم سیاسی و انتظامی عہدیدار آک اوڑدہی کیرہ۔ وزیراعظم ءِ مچ آ صوبہ ٹی برجا شونداری ڈٹ آتیا حوال ہم تننگک ۔ وزیراعظم پنجاب اٹ پوسکن آ پاکستان جان جوڑی کارڈ پروگرام نا بناءِ کیک۔ وزیراعظم نا آسودہی ریاست نا وژن و یونیورسل ہیلتھ انشورنس پروگرام نا رداٹ صوبہ خیبرپختونخوا غان پد صوبہ پنجاب نا پورو آبادیءِ درمان نا آسراتی مفت فراوان کننگ کن مچ آ صوبہ ٹی ہر خاہوت ءِ پوسکن آ پاکستان جان جوڑی کارڈ تننگک۔ پوسکن آ پاکستان جان جوڑی کارڈ آن ہرخاہوت جم وڑاٹ 10 لکھ روپئی اسکان نا درمان نا آسراتی آن مفت فائدہ ہرفنگ کیک۔ درمان نا آسراتی تیٹی کینسر، بِک آتا پیوندکاری، دائمی ناجوڑی، تھیلیسمیا، شوگرنا پیچیدگی، است انا مرض، اعصابی نظام نا جراحی، عزوہ غاتا ناکارہ مننگ و شکست آتا حالیت اٹ درمان ہم اوار ءِ۔ وزیراعظم داوخت آ دود آن تران ہم کیک۔
