اسلام آباد۔ 13 دسمبر (اے پی پی) تدوک آ بیست ءُ چار گھنٹہ ٹی کورونا دین انا سوب آن خیبرپختونخوا غان پد سندھ اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 6 مرک مس ہرافتیان 3 ناجوڑ آتا مرک وینٹی لیٹرآتیا مس۔ نیشنل کمانڈ اینڈ آپریشن سینٹر این سی او سی نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آملک اٹی 244 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹرآتیا کوویڈ۔ 19 نا ناجوڑ آتا بیٹ کچ انا رداٹ پشاور اٹی 16 درسد، اسلام آباد اٹی 14 درسد، سرگودھاٹی 13 درسد وملتان اٹی 10 درسد ناجوڑ ءُ۔ ہنداوڑاٹ ملک انا چار بھلا شارتیٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ ملتان اٹی 15 درسد، اسلام آباد اٹی 14 درسد، سرگودھاٹی 16 درسد و بنوں ٹی 13 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 39 ہزار 387 ٹیسٹ کننگا ہرافتیان سندھ اٹی 10 ہزار 228، پنجاب اٹی 15 ہزار 648، خیبرپختونخوا ٹی 8 ہزار 172، اسلام آباد اٹی 4 ہزار 246، بلوچستان اٹی 551، گلگت بلتستان اٹی 192 ٹیسٹ، آزاد کشمیر اٹی 350 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 12 لکھ 51 ہزار 409مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ہم ناجوڑ اس داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 89 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 9 ہزار 48 ءِ۔ مچ آ ملک اٹی کورونا دین آن زہمی بندغ آتا کچ 12 لکھ 89 ہزار 293 ءِ ہرافتیان آزاد کشمیر اٹی 34 ہزار 608، بلوچستان اٹی 33 ہزار 532، گلگت بلتستان اٹی 10 ہزار 426، اسلام آباد اٹی 1 لکھ 8 ہزار 128، خیبرپختونخوا ٹی 1 لکھ 8 ہزار 696، پنجاب اٹی 4 لکھ 43 ہزار 886 وسندھ اٹی 4 لکھ 78 ہزار 17 ناجوڑ ءُ۔ مچ آ ملک اٹی کورونا دین آن زوال کروک آتا کچ 28 ہزار 836 مسنے۔ ہرافتیان سندھ اٹی 7 ہزار 638 مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دادین آن زوال کریر، پنجاب اٹی 13 ہزار 52 مرک وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی دادین آن زوال کرے۔ خیبرپختونخوا ٹی 5 ہزار 892 مرک وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتیٹی دا دین آن زوال کریر، اسلام آباد اٹی کل 962مرک، بلوچستان اٹی کل 363 مرک، گلگت بلتستان اٹی 186 مرک، آزاد کشمیر اٹی دادین آن 743 مرک مسنے۔ داتم اسکان مچ آ ملک اٹی کوویڈ۔ 19 نا 2 کروڑ 25 لکھ 64 ہزار 577 ٹیسٹ کننگانے۔ مچ آ ملک اٹی کوویڈ،۔ 19 نا درمان کن جتا 640 ہسپتال آتیٹی 766 ناجوڑ درمان مننگ ءُ۔
