اسلام آباد۔ 13 دسمبر (اے پی پی) وزیراعظم نا سلاہکار واپار عبدالرزاق داؤد پارینے کہ اینخو مالی سال جولائی آن اکتوبر فٹ بال نا برآمد آتیٹی 17 درسد ودکی مسنے۔ دوشنبے نادے آ داڑے اسہ بیان اسے ٹی اوپارے کہ جولائی آن اکتوبر 2021اٹی 50.148 ملین ڈالر نا فٹ بال برآمدات کننگا وخت اس کہ تدوک آ مالی سال ہندا وخت اٹی 42.780 ملین ڈالر نا فٹ بال نا برآمد ئسر۔ اوپارے کہ گوازی تا مصنوعات آتا کل برآمد آتیٹی جولائی آن اکتوبر 21 درسد نا ودکی ریکارڈ کننگانے، اینخو مالی سال جولائی آن اکتوبر 105.120 ملین ڈالر نا گوازی تا مصنوعات برآمد کننگانے وخت اس کہ تدوک آ مالی سال ہندا وخت اٹی 87.070 ملین ڈالر نا اسپورٹس مصنوعات برآمد کننگاسس۔
